Бул тууралуу Франциянын ырасмий өкүлдөрү маалымдашты. Эксперттер бул кабар ырасталса, Европадагы үй канаттууларын ылаңдаткан эң олуттуу окуя болорун айтышууда. Евробиримдиктин саламаттык боюнча комиссары Маркус Кыприаноу куш тумоосуна каршы чаралар көрүлүп жатканын белгиледи. “Биз кооптуу жайларда фермалардагы канаттууларды эшикке чыгарбай кармап, вирусту алдын-алуу системасын түзгөнбүз. Түштүк тараптан жайыла баштаган вируска каршы азыр бир катар аймактарда алдын алуу чаралары көрүлүүдө”, - дейт ал. Эң соңку маалыматтар боюнча, Словакияда да адам өмүрүнө коркунучтуу Эйч5Эн1 вирусу катталды.