“Нарын жүргүнчү” ишканасынын акционерлери нааразылык иш чарасына чыгышты

НАРЫН. «Нарын жүргүнчү» акционердик коомунун жоюу жөнүндө чечимге нааразы болуп ишкананын 20дан ашык акционери 25-февралда облустук акимчиликтин алдына чогулушту. Аларды шаардын акими Бейшеналы Боогачиев, соңунан губернатордун биринчи орунбасары Исабек Абдыгазиев кабыл алды. Жолугушууда акционерлер коом жоюлса ачкачылыкка жарыялаганга чейин акцияларды уюштурарын билдиришти.
Үч саатка созулган жыйындан кийин коомдун төрайымы Бурул Кадырова кызматтан кете тургандыгын билдирди жана атайын комиссия ишти иликтеп бүткүчө коом жоюлбай турган болду.