БИШКЕК. Жалалабат облусундагы №23 Майлуусуу шайлоо округу боюнча Жогорку Кеңештин депутатын шайлоо ушул жылдын 14-майына дайындалды. Бул туралуу жардыкка президент Курманбек Бакиев кол койгонун президенттин маалымат кызматы 28-февралда кабарлады. Былтыркы парламенттик шайлоодо аталган округдан Жогорку Кеңештин депутаттыгына шайланган Камбаралы Конгантиев өлкөнүн баш прокурорлугуна дайындалганына байланыштуу депутаттык ордун бошоткон.
