БИШКЕК. Кыргызстандагы бир катар саясий партиялар, алардын ичинде «Эркиндик», «Менин өлкөм» партиялары 24-мартты элдик революция күнү катары белгилөө демилгесин көтөрүшүүдө. Алардын пикиринде буга байланыштуу жакынкы күндөрү президент Курманбек Бакиев тарабынан тиешелүү жардыкка кол коюлушу керек. Айрым партиялар, алардын ичинде «Акыйкат» партиясы азырынча 24-марттагы окуяларга бир жактуу саясий баа бериле электегине байланыштуу бул күндү элдик ыңкылап күнү катары белгилөө эртелик кылат деген позицияда турушат.
