БИШКЕК. 2-мартта Жогорку Кеңеште парламент төрагалыгына жаңы талапкерлер көрсөтүлүп, добуш берүү өтөт. Депутаттардан алынган маалыматтар боюнча төрагалыкка Аскар Салымбековдун, Замирбек Эсенамановдун талапкерликтери көрсөтүлүшү күтүлүүдө. 28-февралда парламенттин спикерлигине төрт талапкер – Кубатбек Байболов, Жантөрө Сатыбалдиев, Темир Сариев жана Сооронбай Жээнбеков көрсөтүлүп, колдоого ээ болушкан эмес. Талапкерлердин арасынан Байболов эң көп добуш алып, бирок, төраганын кызматын ээлөөгө 4 добуш жетпей калган.
