Индонезиянын борбору Жакарта шаарында бүгүн АКШ саясатына каршы жана Ирак менен Ооганстанда жүрүп жаткан согуштарды токтотууну талап кылган ири демонстрация болуп өттү. Аны уюштурууга Хизб-ут-Тахрир партиясы катышкан жана партиянын өкүлү Исмаил Юсантонун айтымында, өлкөдө исламдык баалулуктар үстөмдүк кылууга тийиш: "Ислам жана мусулмандардын кызыкчылыгында халифат үчүн күрөш уланууга тийиш. Ага жетүү жолунда биздин алдыбызда көптөгөн тоскоолдуктар чыгып жатат жана алардын эң негизгилери Америка Кошмо Штаттары тарабынан жаралууда", - деди Юсанто. Полиция демонстрациянын жүрүшүнө кийлигишкен жок жана анын миңдеген катышуучулары кийин өздөрү тарап кетти.
