Катар мамлекетинде жайгашкан "Ал-Жазира" сыналгысы кечээ күнү кечинде "Ал-Каида" террордук уюмунун жетекчисинин орун басары Айман ал-Завахринин видеосун көрсөттү. Европа мамлекеттеринин гезиттеринде Мухаммед пайгамбарды шылдыңдаган сүрөттөр чыкканын Завахри сынга алып, мусулман мамлекеттерин - европалык буюмдарды бойкоттоого чакырды. Андан тышкары Завахри ХАМАС уюмуна кайрылып, Израил менен Палестина ортосунда мурда түзүлгөн келишимдер таанылбаш керек деп билдирди.
