Беларус оппозициясынын президенттикке башкы талапкери Александр Миленкевич өз жактоочуларын, эгер зарылдык жаралса, көчөгө чыгып, өз добушун коргоого чакырды. Кечээ Баранович шаарында шайлоочулар менен жолугушуу учурунда Милинкевич бийлик 19- марттагы шайлоонун жыйынынтыгын бурмалоону көздөп жатканын белгиледи. Мурдараак расмий Минск оппозицияга шайлоодон соң массалык митингдерди өткөрбөөнү эскерткен эле. АКШ менен Евробиримдиктин пикиринде, оппозиция бийлик тарабынан куугунтукталып жатканын эске алганда, шайлоо адилетсиз өтөт өңдөнөт.
