БИШКЕК. Эгер кырдаал ушул бойдон кала берсе паспорт кризиси Кыргызстанда дагы 20 жыл турат. Мындай пикирин Жогорку Кеңештин депутаты Кубанычбек Исабеков Азаттыка 7-мартта билдирди. Кечээ парламент депутаттары паспорт боюнча өкмөттүк угуу өткөрүп, тиешелүү органдардын ишин канааттандырарлык эмес деп табышты. Бул жыйында , депутаттар дайынсыз жоголуп кеткен 8516 жаңы паспорт жана 25 миң анкетанын дарек-дайынын табуу үчүн Улуттук коопсуздук кызматына 20-мартка чейин мөөнөт беришти. Ошондой эле депутаттар муктаждарга 1 ай ичинде паспорт берүүгө милдеттендиришти.
