БИШКЕК. Биздин коом лидер аялдарга суусап турат деп билдирди мамлекет башчы 8- март майрамына арналган салтанатта. Мамлекет башчы бул сөзүндө райондук бийликтин жетекчилигине аялдарды көрсөтөм деп убада берди. Быйылкы майрамда кыргыз бийлиги ар бир дубанга мамлекеттик жогорку кызматтагы адамдарды жөнөттү. Баткенге вице- премьер министр Медетбек Керимкулов, Нарынга Дастан Сарыгулов, Жалалабатка Үсөн Сыдыков, Чүй дубанына Феликс Кулов барып, аялдарды майрамы менен куттуктап кайтышты.