БИШКЕК. Кыргызстандын чукул кырдаалдар министрлиги акыркы эки күн ичинде Бишкек- Ош, Алабука Чаткал жолунда кар көчкү жүрүшү ыктымал деп эскертти. Ошондуктан бул жолдордо автоунааларга чектөөлөр коюлуп жатат. Чукул кырдаалдар министринин орун басары Болотбек Айдаралиевдин Азаттыкка билдиргенине караганда, жаз айларында айрыкча Өзгөн, Каракулжа, Алай райондорунда кар көчкү, жер көчкү жана сел болушу ыктымал.
