БИШКЕК. Президент Курманбек Бакиев Темиркан Субановко «милициянын генерал-майору», Артур Медетбеков менен Жаныбек Бакиевге да генерал-майор деген кезектеги аскердик наамдарды берүү тууралуу жардыкка кол койгонун президенттин малымат кызматы кабарлады. Жаныбек Бакиев президенттин бир тууган иниси. Ал ушул айдын башында Улуттук коопсуздук кызматынын төрагасынын биринчи орун басарлыгына дайындалган.