Бишкек. Өз алдынча башкаруу органдарынын Ассоциациясы өкмөткө жана Жогорку Кеңешке айыл өкмөттөрдүн санын кыскартуу сунушун жолдоду. Бул тууралуу 11- мартта аталган Ассоциациянын башчысы Курманбек Дыйканбаев маалымдады. Анын пикиринде, административдик-аймактык реформанын алкагында Кыргызстандагы калкынын саны миң адамга жетпеген айыл өкмөттөрү кыскартылышы керек. Бүгүнкү күндө жалпысынан 471 айыл өкмөтү бар. Алардын ичинде 35 миң адам жашаган айыл өкмөттөрү да, тургундарынын саны миң адамга жетпеген айыл өкмөттөр да бар.
