Ирандын ички иштер министри Мустафа Пурмохаммед Улуттар Уюмунун Коопсуздук Кеңеши кокус Тегеранга санкциялар жарыяласа, мындан эл аралык коомчулук өзү жапа чегип каларын эскертти. Иран дүйнөлүк мунай жолунун Перси булуңундагы орчундуу бөлүгүн көзөмөлдөп турат. Германиянын тышкы иштер министри Иран проблемасын дипломатиялык ыкмалар менен чечүү зарылдыгын айтып, Тегеранды МАГАТЭ менен кызматташууга чакырды. АКШ кечээ Иран менен кошумча сүйлөшүүлөрдү өткөрүү тууралуу Россиянын сунушун четке каккан эле.
