БИШКЕК. Бүгүн Башкы прокуратура, бейөкмөт уюмдар жана жалпыга маалымдоо каражаттарынын ортосунда адам укугун коргоо багытында кызматташуу тууралуу меморандумга кол коюлду. Меморандум прокуратура органдарынын ишин жакшыртуу, баа берүү жана коомдук көзөмөлдү күчөтүүнү көздөйт. Анын алкагында консультативдик кеңеш түзүлүп, төрагалыгына баш прокурор Камбаралы Конгантиев, эки орун басарлыгына «Адилет» укук коргоо уюмунун башчысы Чолпон Жакупова менен журналисттердин кесиптик кошунун төрагасы Азамат Калман шайланды.
Башкы прокуратура менен атуулдук коом өкүлдөрү адам укуктарын коргоо боюнча меморандумга кол койду
