Соңку күндөрү Ирактын баш калаасында эле өлтүрүлгөн 80 адамдын денеси табылган. Полициянын кабарына караганда, алардын көбүн өлтүрөөрдөн мурда көк ала койдой кылып кыйнашканы аныкталды. Алардын айрымдарын атышкан, дагы бирөөлөрү дарга асылган, кээ бирлерин бууп өлтүрүшкөн. Полиция: “Мунун баары диний араздашуунун айынан жасалган болсо керек”, - деп божомолдоп жатат. Иракта шийилер менен суннилер ортосундагы карама-каршылык өткөн айда Самаррадагы жардыруудан кийин дагы тутана баштады.
