БИШКЕК. Бүгүн Бишкек шаардык сотунда Балыкчы округу боюнча депутаттыкка ат салышып аткан талапкер Рыспек Акматбаевдин иши каралат. Ага киши колдуу болгон милициянын полковниги Чыныбек Алиевдин иниси Аскер Алиевдин апелляциялык арызы себеп болгон. Рыспек Акматбаев баштаган 9 адам Бирични май райондук соту тарабынан 24- январда акталышкан. Аларга үч адамды өлтүрүп, бир адамдын өмүрүнө кол салган деген айыптар тагылган болчу.
