Грузиялык депутаттарды Беларусияга киргизбей коюшту

Алар азыр Минск аба-майданында кармалып турушат. Грузин парламентинин кеминде жети депутаты ушу жекшембиде Беларуста президентти шайлоого байкоочулук кылуу максаты менен келишкен болчу.
Грузия парламентинин вице-спикери Михеил Мачаварияни биздин радиого кечээ кечинде билдиргендей, депутаттарды Беларусиянын коопсуздук кызматтары суракка алып жатышат.