Бул тууралуу Еврошаркеттин Тышкы алакалар боюнча Комиссары Бенита Ферреро Валднер билдирди. Ал: “Беларуска жарыяланчу санкциянын бир түрү катары буга чейин Евробиримдик “кара тизмеге” киргизген алты саясатчынын тизмесине башкаларды да кошушу мүмкүн”, - деди. Алар кийин Евробиримдиктин аймагына кире алышпайт. Ферреро Валднер, мындан сырткары, беларус бийликтери оппозициянын камакка алынган 20 өкүлүн тез бошотушун талап кылды. Анын аралыгында беларус КГБсынын башчысы Степан Сухоренко: “Оппозиция бийликти күч менен тартып алууга кам көрүп жатат”, - деп билдирди.
“Эгерде Беларуста ушу жекшембиде өтчү президенттик шайлоонун жыйынтыктары бурмалана турган болсо, Евробиримдик Беларуска катаал санкцияларды киргизет”
