БИШКЕК. Бүгүндөн тарта Кыргызстандын бийик тоолуу жана алыскы аймактарындагы 562 мектептин башталгыч класстарынын окуучуларына бир маал тамак бериле баштады. Бул тууралуу «Азаттыкка» Билим берүү министрлигинин бөлүм башчысы Замир Конокбаев билдирди. Буга чейин каржы министри Акылбек Жапаров мектеп окуучуларына тамак берүүнү уюштуруу үчүн 7 миллион 200 миң сом бөлүнгөндүгүн кабарлаган.
