БИШКЕК. Бүгүн 24-мартты майрамдоо боюнча уюштуруу комитетинин кезектеги жыйыны өтүп, өкмөткө бул күндү иш күн эмес деп белгилөө тууралуу токтом даярдоо сунушталды. Жогорку Кеңеш бул күндү майрам катары белгилөө тууралуу эмгек кодексине өзгөртүү киргизүү боюнча мыйзам долбоорун азырынча кабыл ала элек. Ушундан улам айрым депутаттар аталган кодекске өзгөртүү киргизилмейин, бул күндү эс алуу күнү катары белгилөө мыйзамсыз болоорун айтышууда.
