БИШКЕК. Шаардык сот Рысбек Акматбаевге каршы козголгон ишти кароону шайлоо аяктаганга чейин убактылуу токтотту. Акматбаев Балыкчыдан депутаттыкка талапкер болуп ат салышып жаткандыктан сот ушундай чечимге келди. Оор кылмыш жасаган деп шектелген кылмыштуу топтун башчысы саналган Рыспек Акматбаев баштаган тогуз адам январь айында Бишкектин Биринчи май райондук соту тарабынан акталган соң, айыптоочу тарап ал чечимди талашып шаардык сотко кайрылган болчу.
