БИШКЕК. Бүгүн Бишкекте «Кыргызстан: Элдик революция, 24-март, 2005» аттуу китептин бет ачаары болду. Китепте элдик ыңкылапка алып келген окуялардын тизмеги, себептери, кыймылдаткыч күчтөрү тууралуу даректүү маалыматтар менен кошо саясатчылардын, коомдук ишмерлердин жана ыңкылаптын катышуучуларынын ой-пикирлери камтылган. Анын түзүүчүлөрү бул китеп алгачкы саамалык болуу менен бирге ыңкылап тууралуу кийинки эмгектерге негиз түзөт деген пикирде.