Бишкек. Бүгүн президент Курманбек Бакиев Аламудүн районундагы Каражыгач айылында ишембиликке катышты. Президент, өкмөт башчы Феликс Кулов, Конституциялык соттун төрайымы Чолпон Баекова жана башка жетекчилер «Ыңкылап багы» деп аталган аянчага бак-дарак отургузушту. Ишембиликте президент сөз сүйлөп: «Ата-бабаларыбыздын жолун жолдоп, биз да келечек муундарга экономикалык жактан өнүккөн, күчтүү гана мамлекетти эмес, ошондой эле экологиялык жактан да таза өлкөнү калтырышыбыз керек», - деп айтты Курманбек Бакиев.
