БИШКЕК. Жогорку Кеңеш жазгы тыныгуудан кийин бүгүн кайрадан ишин улантты. Депутаттар бул күнү апрель айында каралчу маселелердин күн тартибин талкуулашты. Алардын көпчүлүгү жазгы талаа жумуштары, табигый кырсыктардын зыяндарын жоюу, калкты паспорт менен камсыздоо маселелери боюнча өкмөттүк саат өткөрүүнү сунушташып, парламент бул маселеге жума соңунда кайрыла турган болду. Парламент ошондой эле өткөн жыл үчүн өкмөттүн отчетун ушул айдын экинчи жарымында угат.
