БИШКЕК. Бүгүн президент Курманбек Бакиев тышкы иштер министри Аликбек Жекшенкулов менен Орусияга жана Кытайга жасалчу иш сапарлардын алкагындагы маселелерди талкуулашты. Президенттин маалымат кызматы билдиргенге караганда ушул айдын соңунда Курманбек Бакиев Орусияга расмий иш сапары менен бармакчы. Анда орус президенти Владимир Путин, премьер-министр Михаил Фрадков менен жолугушуулар белгиленген. Кыргыз президенти ошондой эле июнь айынын орто ченинде Шанхай кызматташтык уюмунун жыйынына катышуу үчүн Кытайга бармакчы.
