Европа Комиссиясынын айтымында, ХАМАС уюму жетектеген Палестина автономиясынын өкмөтүнө акчалай жардам көрсөтүү токтотулду. Премьер-министр Исмаил Ханиянын айтымында, андан катардагы жарандар гана жапа чегет: "Палестина элине жана Палестина өкмөтүнө каршы опурталдуу чара көрүү уланууда. Палестина элинин азаптары түгөнбөй жатат жана бул чечим менен Израилдин оккупациясы менен агрессиясы акталууда", - деди Хания 7-апрелде. Батыш мамлекеттеринин айтымында, Палестина Израил мамлекетин таанып, курал колдонуудан баш тартууга тийиш.
