БИШКЕК. Куршаб шайлоо округунда кечээ баш-аягы 20 миң шайлоочу добуш берсе, анын 8311и Санжар Кадыралиевге, 5 миңдейи Мамат Орозбаевге добуш беришкен. Бул тууралуу округдук комиссиянын жетекчиси Чынара Абдыкалыкова билдирди. Анын айтымында, округдук комиссия азырынча так пайыздарын чыгарып үлгүрө элек. Экинчи турда добуш берүү качан болоору азырынча белгисиз. Шайлоо кодекси боюнча ал эки аптадан кийинкиге дайындалышы керек.
