Беларусиянын Тышкы иштер министрлиги Евробиримдиктин чечимине жооп катары бир топ европалык жана Кошмо Штаттардын чиновниктерин өз аймагына киргизбей тургандыгын билдирди. Буга чейин Евробиримдик «Беларуста өткөн президенттик шайлоонун жыйынтыктарын бурмалаган» делген беларусиялык 31 ырасмий адамга Еврошаркеттин аймагына кирүүгө тыйуу салган чечим чыгарган эле. Ага ылайык жакында өткөн шайлоодо үчүнчү жолу президенттик кызматка олтурган Александр Лукашенко жана 30 башка саясатчы Евробиримдиктеги 25 мамлекеттин аймагына кире алышпайт.
