БИШКЕК. Жыл бою жыйынга катышпаган депутаттын мандатын алып коюу жөнүндө Кабай Карабековдун сунушу парламенттен колдоо тапкан жок. Айрым депутаттардын айтымында, бүгүн Айдар Акаев менен Мурат Малабаевге каршы багытталган бул мыйзам аркылуу бийлик эртең парламентке кысым жасап, ал бийлик үчүн ыңгайсыз депутаттарга айгак болушу мүмкүн. Мисалы, Айдар Акаев менен Мурат Малабаев бир жылдан бери парламент жыйынына катыша элек. Ал эми депутат сунуш кылган мыйзам долбоору боюнча 38 депутат добуш берсе эле аларды маселеси чечилмек.
