БИШКЕК. Бүгүн кечинде Кыргызстанга Орусиянын атом кубаттуулугу боюнча мамлекеттик агенттигинин башчысы Сергей Кириенко келет. Ал Карабалта тоо- кен комбинатынын ишин жандандырып, анда өндүрүлгөн уранды Орусияга экспорттоо сунушу менен келатат. Аталган комбинаттын башкы директорунун кеңешчиси Жалгап Казакбаевдин пикиринде, кыргыз тарап үчүн бул пайдалуу келишим болот деген ишеним бар. Азыр токтоп турган тоо- кен комбинаттын жылыга 2 миң тоннага чейин уран иштетүүгө шарты бар.
