БИШКЕК. Бүгүн Бишкектеги «Ак-кеме» конок үйүндө «24-марттын сабактары жана Кыргызстандын мамлекеттүүлүгүнүн келечеги» деген аталыштагы тегерек үстөл талкуусу өттү. Анда өлкөдөгү соңку кырдаалга тынчсыздануулар, бийлик жарандык коом менен сүйлөшүүгө келип, бири-бирин негизсиз сындаганды токтотуп, проблемаларды биргелешип чечүү жолун издөө керектиги тууралуу пикирлер айтылды. Жыйынга жергиликтүү саясатчылар жана укук коргоочулардан сырткары Орусия менен Казакстандан келген саясат таануучулар, премьер-министр Феликс Кулов да катышты.