Натанцтагы жана башка жерлердеги атомдук ишканалар текшерилет. МАГАТЭнин директору Мохаммед ал-Барадей буга чейин Иранда уран байытылганын тастыктаган таныктар табылбагандыгын айткан эле. Эгер Ирандын атомдук программасы аскери максаттарга ылайыкталып жатканы аныкталса, Россиянын тышкы иштер министрлигинин өкүлү Михаил Камыниндин айтымында, Москва Иранга санкцияларды жарыялоо сунушуна кошулат. Тегерандын өкүлү бүгүн Иран МАГАТЭ менен толук өлчөмдө кызматташканга даяр экенин ырастады.
