БИШКЕК. Бүгүн парламент өткөн жыл үчүн өкмөт отчетун угууга киришти. Премьер-министр Феликс Кулов жасаган баяндамасында ички дүң продукциянын өсүүсү мурдагы жылга караганда 0, 6 пайыз төмөндөп, айрым көрсөткүчтөр боюнча жылыштар бар экенин белгиледи. Былтыр өнөр жай өндүрүшү 12 пайызга төмөндөгөн. Көмүскө иштеген тигүүчүлөрдүн ачыкка чыгышынан бул тармакта 13 пайыз өсүш болгон. ХИПК программасы боюнча суроого өкмөт башчы анын шарттарын карап көргөн соң гана өкмөт бир чечимге келээрин айтты.
