БИШКЕК. Былтыркы март ыңкылабынан кийинки талоончулуктан жапа чеккен ишкерлер да 29-апрелдеги саясий акцияга кошулат. Анткени, бийлик алардын тарткан зыянын төлөп берүү боюнча убадаларын аткара элек.«Жабыр тарткан ишкерлер" коомунун жетекчиси Бурул Усубакунованын маалыматы боюнча өкмөт быйыл 24-марттын алдында жардамга өтө муктаж 104 адамга 2 миллион 560 миң сом бөлгөн. Ал эми талоондон жапа чеккен ишкерлердин жалпы чыгымы бир миллиард 300 миң сомго бааланган.