Мисирдин Синай жарым аралында кечээ күнү дагы эки жанкечти өздөрүн жардырды. Алардын бири - эл аралык өкүлдөрдүн машинесинин жанында жардырган, эч ким жараат алган жок. Экинчи жанкечти өзүн полиция машинесинин жанында жардырды, андан да эч ким жапа чеккен жок. 24-апрелде Мисирдин ушул эле Синай жарым аралындагы Дахам деген курорттто үч жарылуу болгондон 23 адам набыт кетип, дагы алтымыштан ашык киши жараат алган.
