БИШКЕК. «Курманбек Бакиевдин 29-апрелде баш аламандыктар болсо митингди уюштуруучулар жооп берет дегени мыйзамды, өзүнүн түздөн-түз милдетин билбегенинен кабар берет. Ага биринчи кезекте президент менен өкмөт жооп бериши керек, президенттин элге күч колдонгонго моралдык да, саясий да укугу жок», деп айтты депутат Өмүрбек Текебаев бүгүнкү парламент жыйынында. Ал ошондой эле төрагадан митинг учурунда тартипти бекем сактоо, ар ким өз милдетин так аткаруусу тууралуу өкмөткө тапшырма берүүнү өтүндү. Президент кечээ митинг учурунда тартип бузуулар болсо катуу чаралар көрүлөөрүн, бүт жоопкерчилик уюштуруучулардын мойнунда болоорун айткан.
