БИШКЕК. Орусиянын Коопсуздук кеңешинин катчысы Игорь Иванов Бишкекте 29-апрелде боло турган митинг демократиялык негизде өтүп, өлкөнүн саясий туруктуулугуна доо келтирбестигине үмүт артам деп билдирди. Ал мындай сөздү бүгүн Кыргызстандагы иш сапары маалында айтты. Иванов президент Курманбек Бакиев, премьер-министр Феликс Кулов менен жолугушуп, Орусиянын Канттагы авиабазасында болду.