«Алатоо» аянтында митинг болуп жаткан учурда Каржы жана экономика министрлигинин имаратынан коюу кара түтүн чыгып, өрт башталганы белгилүү болду. Өрт өчүргүчтөр башталган өрттү өчүрдү. Министрликтин басма сөз кызматынын кабарлоосуна караганда, министрлик жайгашкан имараттагы эки бөлмө күйүп, бир нече компьютер жана башка кеңселик буюмдар керектен чыкты. Өрттүн булагы кондиционер болгону аныкталды.
