БИШКЕК. Өткөн жумадагы көнөктөгөн жаандан улам Алайдагы Кызылбулак дарыясында суунун деңгээли көтөрүлүп, жээкке жакын турган Кудайберди Эркебаевдин үйүн суу баскан. Учурда бул үй-бүлө коопсуз жайга көчүрүлдү. Мындан сырткары ушул эле аймакта суу каптоо коркунучу туулган 8, Каракулжа районунда 4 үй-бүлө коопсуз жерлерге жайгаштырылды. Өткөн аптанын соңундагы селден Аксы районунда да 34 короо-жайды суу каптаган. Учурда тазалоо иштери жүрүүдө. Бул тууралуу чукул кырдаалдар министрлигинен кабарлашты.
Шайырбек Эркин уулу
Шайырбек Эркин уулу
