Түркия өзүнүн элчилерин Канада менен Франциядан убактылуу чакыртып алды. Анткени, жакында Франциянын парламентинде Түркияда Биринчи дүйнөлүк согуш учурунда армяндарга карата жасалган геноциддин орун алышын четке кагууну кылмыш деп тааныган мыйзам долбоорунун каралышы күтүлүүдө. Жакында Канаданын премьер-министри Стефен Харпер да Түркияда армяндарга карата жасалган геноцид моюнга алынышы керек деген билдирүү жасаган.
