БИШКЕК. Өткөн жумада Бакуда өткөн Экономикалык кызматташтык уюмунун саммитинин алкагында Кыргызстандын биринчи вице-премьер-министри Медетбек Керимкулов Азербайжан президенти Илхам Алиев менен жолугушту. Анда эки тараптуу кызматташтыкты чыңдоо жана өнүктүрүү маселелери талкууланып, өкмөттөр аралык комиссия түзүү, министрлер деңгээлиндеги иш сапарларды уюштуруу тууралуу сөз болду. Ошондой эле Азербайжан президенти кыргыз тараптын өлкөгө иш сапары менен келип кетүү сунушун жылуу кабыл алды деп кабарлайт, өкмөттүн маалымат кызматы.
