БИШКЕК. Кыргызстан демократиялык кыймылынын лидери Жыпар Жекшеев ЮНЕСКО уюмунун иштери боюнча улуттук комиссиянын башкы катчысы болуп дайындалды. 8-майда президент Курманбек Бакиев аталган комиссиянын курамы тууралуу жарлыкка кол койду. Анда Жыпар Жекшеев комиссиянын жааматын түзүү үчүн документтерди жана комиссиянын мүлктөрун кабыл алсын деп айтылган.
