БИШКЕК. Жаңы дайындалган өкмөт мүчөлөрү парламентке бекитүүгө күзүндө гана жөнөтүлөт. Бул тууралуу президент Курманбек Бакиев кечээ өкмөт жыйынында билдирди. Мамлекет башчынын пикиринде, учурда ар бир күн кымбат, андыктан өкмөт эчтекеге алаксыбай иштеши керек. Кечээ президенттин жарлыгы менен Мыктыбек Абдылдаев президенттик администрациянын жетекчисинин орун басары болуп дайындалды. Бул кызматта иштеп келген Азим Исабеков кечээ айыл-чарба министри кызматына которулган болчу.
