БИШКЕК. Бүгүн Балыкчы шаарында маркум Рысбек Акматбаевдин жактоочулары нааразылыкка чыкты. Алар өлкө бийлигинен маркумдун өлтүрүлүшүнө байланыштуу расмий жооп берүүнү талап кылышууда. Нааразы тарап кечке дейре бийлик тараптан эч кандай жооп болбогон соң жол тосууга барышты.Эки күн мурда Бишкекте киши колдуу каза тапкан Рысбек Акматбаев өткөн айда Балыкчы округундагы шайлоодо 80 пайыздай добуш менен жеңишке жетип, бирок БШК анын үстүнөн сот иши бүтө электигине байланыштуу депутаттыкка каттабай келген.
