БИШКЕК. «Асаба» жана «ЭрК» партияларынын коомчулукка жасаган бүгүнкү кайрылуусунда ушинтип айтылат. Анда президент менен өкмөт башчынын азырга дейре өлкөнү экономикалык кризистен алып чыгуу боюнча бирдиктүү программасы жок, а түгүл мамлекеттик түзүлүш боюнча экөө эки башка көз карашта, эки жетекчи бири-бири менен тымызын күрөшүүдө деп айтылат. Кайрылуу соңунда коомчулукка «быйылкы күздө Жогорку Кеңеш аркылуу жаңы конституцияны кабыл алабыз деген президенттин убадасына дагы бир жолу ишенип, 4-5 ай митинг кылбай чыдап туруу чакырыгы ташталган. Ошондой эле президент Бакиев бул убадасынан танса Акаев режими менен күрөшкөндөй азыркы бийликке каршы чечкиндүү күрөш башталаары эскертилет.
Бийликтин саясий кризиске кабылышына Бакиев-Кулов тандемининин эки жүздүү саясаты башкы себеп болууда
