БИШКЕК. 12-майда Баткен облусунун Сарытала, Тамаша айылдарына жакын жердеги куралдуу кагылышуудагы аскерий операцияны жетектеген генерал-майор Нурдин Чомоевдин иши канааттандырарлык эмес деп табылсын. Чегара күчтөрүнүн жогорку кызматтагы жетекчилерин жоопко тартуу маселеси президентке сунушталсын. Мындай чечим парламенттин коопсуздук, коргонуу комитети тарабынан 22-майда кабыл алынды. Комитет мындай чечимди чегарадагы окуя боюнча депутаттык комиссия жүргүзгөн иликтөөнүн жыйынтыгынын негизинде чыгарган.
