«Арнамыс» партиясынын катарынан чыккан айрым атуулдар партияга идея үчүн эмес, кызмат үмүт этип киргендер. Мына ошол үмүтү акталбагандан кийин алар партиядан чыгышууда, деп билдирди «Арнамыс» партиясынын лидерлеринин бири Абдысапар Баялинов. «МСН» гезитинин 24-майдагы санында «Арнамыс» партиясынын Сокулук жана Москва районунун мүчөлөрү партия катарынан чыгышканын билдиришкен. Алар өздөрүнүн мындай кадамын партиянын азыркы лидерлеринин жер-жерлерде иш жүргүзбөй,чоң саясат менен гана алек болуп калганы менен байланыштырышкан.
