Бириккен Улуттар Уюмунун Коопсуздук Кеңешине туруктуу мүчө-өлкөлөр кийинки аптанын соңунда кайрадан Ирандын өзөктүк программасына байланыштуу маселелерди талкуулашат. Мындай маалыматты АКШнын мамлекеттик департаменти таратты. АКШ, Британия, Франция, Россия жана Кытайдын тышкы иштер министрлери Европа өлкөлөрүнүн биринде чогулушат. Жыйынга Германиянын өкүлү да катышат.
