БИШКЕК. Жогорку Кеңеш бүгүн Жерүй алтын кенин австриялык ишканага берүү жөнүндө маселе боюнча бир чечимге келет. Өткөн жумада кендин «Глобал Голд Холдинг ГмбХ» ишканасына тендерсиз берилгенин депутаттар кескин сынга алышкан. Бул алтын кенин мурда англиялык «Оксус» компаниясы иштетип келген. Өзүнө алган милдеттенмесин аткарган жок деген негизде былтыр өкмөт анын лицензиясын алып койгон болчу.
